logoRhapsody Today
Read RhapsodyTopicsQuizSearch
Overcoming FearFreedom from WorryOvercoming DoubtFinding HopeFinancial WisdomWalking in Peace

© 2026 Rhapsody Today

QuizPrayer of SalvationFAQAbout

Daily Devotional

Rhapsody of Realities

2019-02-15
KUTAKASWA MOJA KWA MOJA [OTOMATIKI]

KUTAKASWA MOJA KWA MOJA [OTOMATIKI]

February 15th, 2019

Ambaye katika yeye tuna ukombozi, yaani, ondoleo la dhambi (Wakolosai 1:14 tafsiri ya EBR).

 

J e! Haufurahii kwamba katika Kristo, dhambi zetu zote zimeondolewa; za wakati uliopita, za wakati uliopo na za wakati ujao? Hebu fikiri endapo mtu fulani angesema dhambi zetu za wakati ujao hazijashughulikiwa kwa kupitia damu ya Yesu, ni lini sasa Ataenda kuzishughulikia! Ni lini zitakapoondolewa?

 

Pia, jaribu kufikiri kuwa Mkristo ametenda kosa katika eneo lake la kazi, na kisha akajisemea moyoni mwake, “Hapo ofisini sio sehemu sahihi kwa mimi kuomba sasa hivi; nitaharakisha kumaliza kazi ili niwahi nyumbani nikaombe, na kujipatanisha na Mungu.” Hebu fikiri endapo bado akiwa kazini, ghafla parapanda ikalia kwa ajili ya unyakuo wa Kanisa; je! Ataenda mbinguni au ataachwa?

 

Sasa, yumkini unawaza, “Mkristo huyo imekula kwake! Hawezi kwenda mbinguni.” Hiyo itaashiria hakika kwamba hujamjua Bwana. Ni mwenye mapenzi makuu mno juu ya wokovu wako kiasi cha kutoweza kukuacha kwa sababu tu umefanya kosa. Ametoa kwa Wakristo kitu kiitwacho kutakaswa otomatiki [moja kwa moja]! Hiki ndicho ambacho Neno linafundisha.

 

Wale watakao achwa nyuma ni wale ambao hawatembei katika nuru Yake; wale wasiomjua Yeye na wasiompenda. Kitendo tu cha kutambua [kukubali] ya kuwa umekosea, ambacho kutokana na hilo uliazimia kuzungumza Naye, kinaonesha kuwa nuru Yake i katika moyo wako.

 

Sasa, soma kile ambacho Neno linasema katika 1 Yohana 1:7: “bali tukienenda nuruni, kama yeye alivyo katika nuru, twashirikiana sisi kwa sisi, na damu yake Yesu, Mwana wake, yatusafisha dhambi yote.” Sehemu iliyopigiwa mstari haisemi kuwa utatakaswa baada ya kumuomba Mungu msamaha; hapana! Wala haisemi kuwa damu ya Yesu itaenda kukutakasa dhidi ya dhambi; haiko katika wakati ujao; bali ni kitendo cha otomatiki kilicho katika wakati uliopo na endelevu! Damu Yake INAKUTAKASA kila wakati uhitaji [wa kutakaswa] unapoinuka.

 

Na cha kushangaza ni? Ondoleo hili la dhambi zako lililo la kiotomatiki ni la kisheria mbele za Mungu. Na sio suala la uchaguzi kutoka kwa Mungu; bali ni haki ya kisheria kwa Mkristo. Haleluya!

 

Hii ndio sababu ni muhimu sana kwamba tujue, tuelewe, na tutembee daima katika nuru ya Neno la Mungu, na sio katika madhanio ya kibinadamu. Tembea katika nuru ya haki yako, ukimpendeza Bwana kwa maisha yako, na hutokuwa na hofu juu ya dhambi, kwa sababu asili yako katika Kristo si mhanga wa dhambi.

 

Confession

Ninaishi na kuenenda katika haki; Shetani hana kitu kwangu, kwa sababu Yesu Kristo ni Bwana wangu, nimehesabia haki kutoka katika mambo yote ambayo sikuweza kuhesabiwa haki kwa Sheria ya Musa. Ninaenenda kwa ufahamu wa asili ya Baba ndani yangu. Haleluya!

Further Study

Waroma 4:6-8; Mika 7:18-19 AMPC

Bible Reading Plan

1 Year Bible Reading Plan: Marko 1:21-45 & Walawi 8

2 Year Bible Reading Plan: Matayo 14:22-33 & Mwanzo 46

Not sure about your relationship with God?

Keep going

A few ways to go deeper with this reading.

Ask a question

Get an answer drawn from thousands of devotionals.

  • How do I overcome doubt and grow my faith?
  • What does the Bible say when you feel hopeless?
  • What does the Bible say about financial challenges?

More like this

  • ALILITATUA TATIZO-LA-DHAMBIBaadhi ya watu hufikiri tu hasira ya Mungu; wanaamini kuwa Anafukuta kwa hasira juu ulimwengu kutokea mbinguni, Akiitazamia siku ile ambayo hatimaye Atamhukumu mwanadamu na ulimwengu huu wa dhambi; h…
  • EPUKA MAHUSIANO MABAYAWatu hujikuta katika mikanganyiko pindi wanapojihusisha na mtu mwenye mkanganyiko. Endapo ulikuwa na, au una marafiki ambao katika kujihusisha nao hujaona maendeleo yo yote ya kiroho, ni wakati wa ku…
  • ONDOLEO LA MAKOSA YETUKatika sehemu nyingi ambapo neno, “Msamaha” limetumika, hakika ilipaswa kutafsiriwa kama “Ondoleo.” Ondoleo maana yake ni uhuru, mfunguo, kutengwa; ina maana kuachalia kosa au makosa kana kwamba haya…

On this day

  • 2018HE’S YOUR PORTION
  • 2017NURTURE YOUR SPIRIT WITH THE WORD
  • 2016You Have His Righteousness
  • 2015Authority Over Devil

Explore by theme

  • Overcoming Fear
  • Freedom from Worry
  • Overcoming Doubt
  • Finding Hope
  • Financial Wisdom
  • Walking in Peace

Previous Devotionals