logoRhapsody Today
Read RhapsodyTopicsQuizSearch
Overcoming FearFreedom from WorryOvercoming DoubtFinding HopeFinancial WisdomWalking in Peace

© 2026 Rhapsody Today

QuizPrayer of SalvationFAQAbout

Daily Devotional

Rhapsody of Realities

2019-02-13
KUKAMILISHWA KATIKA HAKI

KUKAMILISHWA KATIKA HAKI

February 13th, 2019

Naye alitoa wengine kuwa mitume, na wengine kuwa manabii; na wengine kuwa wainjilisti na wengine kuwa wachungaji na waalimu; kwa kusudi la kuwakamilisha watakatifu, hata kazi ya huduma itendeke… (Waefeso 4:11-12).

 

Haki yetu ni haki ya Mungu, kwa hiyo ni kamilifu. Hatukuhitaji kustahili kwa uwezo wetu binafsi; Yesu Kristo ametustahilisha mbele za Baba kuwa washirika wa asili ya Kiungu; ili kuwa washirika wa haki Yake. 2 Wakorintho 5:21 inasema, “Yeye asiyejua dhambi alimfanya kuwa dhambi kwa ajili yetu, ili sisi tupate kuwa haki ya Mungu katika Yeye.” Hili ni la kuvutia kiasi gani!

 

Baadhi ya Wakristo hawajalielewa hivyo, kwa hiyo, wanajiona binafsi kuwa sio wenye haki na hawajakamilika. Lakini endapo umezaliwa mara ya pili, wewe ni mtakatifu, na hiyo ni asili yako, kwa sababu Yeye aliyekuzaa ni mkamilifu. Waebrania 10:14 inasema, “Maana kwa toleo moja amewakamilisha hata milele hao wanaotakaswa.” Wakolosai 2:10 inasema, “Na ninyi mmetimilika katika yeye aliye kichwa cha enzi yote na mamlaka.” Neno “mmetimilika” linamaanisha kukamilishwa; umekamilishwa ndani Yake; Kristo ni utimilifu wako.

 

Unaweza ukataka kuuliza, “Je, mstari wetu wa ufunguzi haudokezi kuwa watakatifu si wakamilifu? Maana unazungumza juu ya “kuwakamilisha watakatifu?” Hapana, mstari huo haumaanishi kuwafanya watakatifu kuwa bora na wakamilifu zaidi; imetafsiriwa kutoka katika neno la Kiyuyani ‘katartismos’ ambalo linamaanisha kuwaandaa au kuwafunza watakatifu kwa ajili ya kazi ya huduma.

 

Fikiri kuhusu hili: pindi mtoto anapokuwa amezaliwa, mtoto huyo anakuwa amezaliwa akiwa mkamilifu kama wazazi wake walivyokamilika. Kisha mtoto anaanza kukua kwa kula vyakula vyenye virutubisho sahihi. Mtoto anahitaji kufunzwa na, kuandaliwa katika maarifa na kwa taarifa sahihi, ili kuweza kutenda kama watu wazima wanavyotenda. Hicho ndicho ambacho mtume Paulo alikimaanisha kwa kusema “kuwakamilisha watakatifu.”

 

Kwa jinsi unavyokuwa unalipokea Neno la Mungu katika roho yako, unakua unaandaliwa kutenda na kuifanya kazi ya huduma; unafunzwa katika maisha ya haki. Haki ya Mungu i katika roho yako, lakini kupitia Neno, unakuwa mahiri zaidi katika mafundisho, ufahamu, na namna ya kuweka katika utendaji haki yako katika Kristo.

 

Confession

Mimi ni mwenye haki wa Mungu katika Kristo Yesu, na ni katika ushirika Naye, ninamiliki na kutawala katika maisha. Ni baraka kuu namna gani, kuwa udhihirisho wa haki Yake na kuzaa matunda ya haki, kwa utukufu wa Jina Lake! Abarikiwe Mungu!

Further Study

Isaya 64:6; Waefeso 2:8; Waebrania 10:14

Bible Reading Plan

1 Year Bible Reading Plan: Matayo 28 & Walawi 4-5

2 Year Bible Reading Plan: Matayo 14:1-10 & Mwanzo 44

Not sure about your relationship with God?

Keep going

A few ways to go deeper with this reading.

Ask a question

Get an answer drawn from thousands of devotionals.

  • What does the Bible say about fear?
  • What does the Bible say about worry?
  • How do I overcome doubt and grow my faith?

More like this

  • WATAKATIFU NA TUSIO NA HATIAWaebrania 3:1 inasema, “Kwa hiyo, ndugu watakatifu, wenye kuushiriki mwito wa mbinguni, mtafakarini sana Mtume na Kuhani Mkuu wa maungamo yetu, Kristo Yesu.”
  • UTIMILIFU WA KRISTOAndiko letu la ufunguzi lina nguvu sana, na lenye kufunua. Kanisa ni ukamilifu wa Kristo! Hilo lina maana kuwa sisi tu utimilifu wa Kristo; Yeye ni kichwa, na sisi tu mwili, na unapotuweka pamoja, si…
  • KUTAKASWA MOJA KWA MOJA [OTOMATIKI]J e! Haufurahii kwamba katika Kristo, dhambi zetu zote zimeondolewa; za wakati uliopita, za wakati uliopo na za wakati ujao?

On this day

  • 2018THE CURATIVE POWER OF GOD’S WORD
  • 2017MEASURING YOUR PROGRESS
  • 2016Be Influenced by the Word
  • 2015Repel Worry

Explore by theme

  • Overcoming Fear
  • Freedom from Worry
  • Overcoming Doubt
  • Finding Hope
  • Financial Wisdom
  • Walking in Peace

Previous Devotionals